رهاب الموت

عسلامة دكتور (ة)
انا عندي خوف من الموت (خوفي علي نفسي و على عائلتي) وصل بيا الخوف حتي كيف نسمع الحماية المدنية و سيارة الإسعاف نترعب و كيف نسمع بأي شخص توفي حتي مانعرفاش وصلت حتي مواقع التواصل الاجتماعي ما نحبش نحلهم باش ما نلقاش حد توفي( نحس بدوخة وقيء و ضيق التنفس وبدني الكل يوجع )
في 2017 توفت جدتي -الله يرحمها- (متت ربي كبيرة في العمر) قدام عينيا لكن ماركزتش ماحسيت حتى شيء. طبيعي سنة الله في خلقه. قبل بشهر من اليوم صارت لي وعكة صحية كبيرة  (نزول حاد في الأملاح و الفيتامين D حكيت علي هذا يمكن عند مهمة بالاكتئاب) ذكرتني في جدتي وهي تموت تخيلي نفس الي شفته فيها صار معيا
في الفترة كل تفكيري يدور حول الموت و شنيه الطريقة الي باش نموت بيها  ومراحل خروج الروح بالتفصيل (و الي تخيلتو يمكن اقوي ببرشا من الحقيقة)
تعبت برشا يادكتور (ة)
و شكرا