الارق و تقطع النوم

السلام عليكم

كانت عندي نوبات هلع منذ 10 سنوات..استعملت دواء اسمو ديروكسات وكنت نستعمل فيه كل صباح بشطر حربوشة وكانت مسعدتني لكن ولات عندي مشكلة هي الارق و قلة النوم كنقوم ساعات من النوم تقول مرقدش جملة طلعني الطبيب لحريوشة كاملة وليت نرقد و لباس بقيت عليه حكاية 8 سنين وين تتحسن حالتى و نولي سافا يبدا الطبيب ينحيلي فيه بالسياسة بالسياسة ..نبقى 3 والا 4 شهور وبعد تجيني اعراض انسحابية ..نمشي للطبيب يرجعهولي و يقلي خليك به لين تعرس و تجيب الصغار وبعد تو نحييوه ..المهم بقيت مداوم عليه هاني وين نرتاح نقص شطر كعبة ووين يرجعلي الارق نطلع لكعبة مدة 4 سنين توا ..بصراحة مشيت لبرشا طبة نفستيين وشي مافادني حد...ماعادش نلوج على مشكلة نوبات الهلع و الاكتئاب..ولات مشكلتي كان مع النوم..اللي هذا يقلي دواك الديروكسات..اتا الحق عملت عزيمة و قلت يانا يا. ديروكسات..مشيت لطبيبة في سوسة قتلي هو الدواء هذا اسمو اميتريل هو قديم و يجيب النوم ..خوذ 25 مغ كل ليلة ..تبعتها الطبيبة وسمعت كلامها نحيت الديروكسات تدريجيا وفي تفس الوقت نشرب في الاميتريل توا عندي 10 شهور..الحق الاعراض الانسحابية متاع الديروكسات كانت تجيني لكن كنت نتصدالها لين اختفت نهائيا ....ومازلت نشرب في الاميتريل
حبيت نسأل :
توا بالحق تنحاتلي اعراض الانسحاب من الديروكسات ؟خاطر ولات عندي ثقة في روحي حتى كتجي ساعات نوبة هلع نطفيها
- الاميتريل 25 مغ زعمة عندو اعراض انسحابية كنحيه
- شنوة الحل باش نرجع نرقد بالباهي و نحس روحي شابع نوم

اللي يعرف مشكلتي وعندو حل وتعرضلها قبل ناخو معاه موعد في اقرب وقت

شكرا