dépression

امي مرضت عندها مدة و مشت شافت طبيب نفساني قلنا عندها بداية اكتئاب عطاها دوااء بدت تاكل فيه و الكل تعدوا تقريب 5 6 شهور تو رجعت عادي تقريبا يعني
جاء الصيف و كثرت عليها المسؤولية و الضغط النفسي بدت يااسر ع اعصابها و تنسى برشاا و ياسر active ع اللخر تحب تعمل كل شي في وقت واحد و ساعات تعمل حاجة تسيبها في نص الخدمة و تمشي تعمل حاجة اخرى
شهر لتالي زادت حدة العنف مع شوي مشاكل و مرمة و ضغط من كل شيرة في الدار بدت تعيط بزايد و نقص النوم و عادي مترقدش و تنوض تنظف و تغسل الساعتين متاع الصباح
مشت لعرس قريبنا في ايامات السخانة هاكم متاع 45 و 46 درجة و روحت عبد اخر
بدت تهلوس بحاجات مش موجودة و تحكي في كلام موش مفهوم و تعيط وحدها و بدت تنسى ع لخر عادي تسال السؤاال خمس ست مرات حتى الصلاة معاش تصلي فيها بالصحيح القراان تقرى فيه بالغالط معاش تنجم تقرى زي قبل ديما بهيالها فما شكون عامللها حاجات و يتبع فيها ديما خايفة و تسكر في البيبان و متخليش فينا نخرجوا و ساعات تطرد فينا احنا من البيت بدت تعمل في حاجات مش لوجيك كيما تخلط حاجات ميركبوش ع بعضهم و تقلنا يجوا بالسيف
الحالة هاذي مرة تنقص مرة تزيد كل مرة كيفااش
هزيناها لطبيبة عطتها فانكور تاكل فيه
الحقيقة خفت حدة الاعرااض معاش فما عياط و معاش فما كلام موش منطقي زي قبل لكن باقي الهلواسات شوي و ديما تحب تبقى وحدها حتى نقولولها هي اخرجي تقول لا منحبش و ساعات بلاهي نحب نصيحة راو حار دليلي هل نبدلوا الطبيبة ولا نمشوا نعدوا عند طبيب اخر مثال طبيب اعصاب ولا اي حكاية خاطر بالحق امي تقلبت 360 درجة و قلبي قاعد يتقطع عليها كل لحظة