قلة التركيز و فرط الحركة عند الاطفال

عندي بنتي عمرها 6سنين و عندها مشكلة قلة التركيز كي نكلمها ما تسمعنيش و نقعد نعاود بالاربعة مرات على الاقل و مرات اكثر من غير ما تسمع شنوة قاعدة نحكي و كي تبدأ تقرأ ما تنجمش تقعد في بلاصة واحدة و تتحرك برشا ما يخليها ما تركزش بلكل حتى المعلمة متاعها لاحظت عليها بالرغم من ذكائها الشديد. مرات كي تبدأ مش مركزة حتى اسهل التمارين ما تنجمش تجاوب عليهم و العكس صحيح وقت الي تبدأ مركزة خصوصي في المواد العلمية الي هي مغرومة بيهم وتركز فيهم و اصعب التمارين تجاوب عليهم بالصحيح ما خلى المعلمة متاعها متفاجئة من كمية التناقضات الي فاها وفوق هاذا هي عندها العند في طبيعتها الي ما نجمتش نتعامل معاه كيما يلزم ...
مذابيا كان تنصحني اذا تستحق نهزها لطبيب والا لا على خاطرني ملاحضة المشاكل هذية من وقت الي كانت عمرها ثلاثة سنين ولتوا ما تحسنت وأنا كل مرة قاعدة نكذب في روحي و نقول الي هي طبيعية .