علامات كورونة

عالسلامة دكتور
انا كيف نرقد وخاصة في الليل نحس بصدري يوجعني والنفس يضيق ممكن نشبها بامبولة تبدى لاصقة وتنفخها ونحس رواريا فيهم ماء معناها كايني نتفس في بيت السخون..وراسي يوجعني برشه خاصة في اخر الزاوية متاع العينين وفي الرقبة ماللوطة..ماعنديش سخانة وماعنديش كحة وقراجمي لاباس وماعنديش فشلة وماعنديش حمورية في عينيا ومانسعمل في حتى دواء والا عندي مرض مزمن..
حاجة اخرى عندي اقدامي ديما باردين حتى ولو لبست ١٠٠ كلسيطة وقد ما يبردو قد ما تشدني وجيعة في راسي ودوب ما نسخنهم الوجيعة تتنحى..
زعمة العلامات هذومة تابعين الكورونا؟
مع العلم انا في حجر صحي وحدي وما نخرجش كان مرة كل نهارين للعطار ونعقم كل شي بالجافال قبل ما نستعملو
شكرا للاجابة