سرطان الثدي

انا بنية عمري 26 سنة
عندي مدة فقت بكعابر في صدري مشيت عديت و عملت ايكو
الطبيب قالي في الوقت الحالي ما يخوفوش ينجمو يكونو مجرد هرمونات و عطاني بوماضة (. بروستوجال)
و قالي بعد 6 شهر عاود ايكو اخر باش نشوفو كان فما فرق و الا لا
في مدة 6 شهر تقلقت عندي وجيعة و نتقلق في نفس
بعد 6 شهر عاودت الايكو عند طبيبة اخرى قاتلي ماهمش معبين بالماء باش نقولو كيست و سألتني اذا كان عندي شكون في العايلة مريض بسرطان الثدي مع العلم عندي اختي و مرضت خالتي قبل
قاتلي ديما تبع بالايكو
هزيت الايكو لطبيب خاص قرا الايكو و عاود شافني قاليي ننصحك تشق عليهم و تنحيهم
توا مدة شهر ولات عندي وجيعة قوية لدرجة منجمش نرقد على جنبي و نتقلق في النفس و الوجيعة من الثدي تتعدى تحت ضبوطي لين توصل لكتفي