Ablation par radio fréquence

عمري 27 ، في جويلية مرضت بالكورونا بالسلالة الهندية و تعبتني برشا ، مرة و أنا مريض طلعت دروج طويل طاحلي الأكسجين و لطف ربي ، المشكل قبل ما نمرض بجمعة جاتني وجيعة قوية ما بين أكتافي عبارة سكين مغروس و الوجيعة من بعد تنتقل تحت كتفي ليسار ، ليومنا هذا مزالت لوجيعة و ديما تبدا ما بين أكتافي و من بعد تمشي تحت كتفي ليسار ،ساعات من قوة لوجيعة منجمش نتحرك ، على فكرة الخدمة لي نخدم فيها فيها برشا رزن و يوميا نهز في الثقيل خاتر الخدمة تتطلب الشي هذا ، الحقيقة يوميا نبحث في الڨوڨل وليت خايف برشا و مهلوس خاتر الشي لي نلقاه في ڨوڨل يخوف، يوميا و أنا عايش في الڨوڨل و اليوتيوب حياتي حابسة و ما عادش في طعم ، على فكرة أنا مصاب بالوسواس القهري قوي برشا و عديت عند أطباء دون فائدة ،خايف مالوجيعة لي في ظهري ، مرة نقول و جيعة مالرئة ، مرة نقول من مفاصل ظهري ، مرة نقول مشكل مالقلب خاتر قبل أربعة سنين صارلي إرتفاع كبير في دقات القلب وصل 240 ضربة في الدقيقة و عملت ablation par radio fréquence , مانيش عارف شنعمل خاصة الهلواس و الوسواس دمرني ديما نشك في حاجة خايبة ، حتى الطبيب خايف كان نمشيلو ، ندور في حلقة فارغة و السبب التهلويس مالوجيعة لي في ظهري ، و لا نتكيف و لا نشرب