dépression post natale

انا ام لزوز صغار بنتي عمرها عامين و نص و ولدي 11 شهر كي ولدت عشت معاه dépression post natale نعاني فاها لتو و حبالتي بيه مش مقتنعة باها و نعيش في حالة ندم خايبة خاصة انو بخبالتي بعدت عليا بنتي للروضة المهم وليت برشا على اعصابي مع تظهور الحالة الصحية اللي تخليني عاجزة نتولهى بالزوز على قاعدة و بعض العلاقات السامة لعل اهمها امي
انا تو وصلت المرحلة اللي فيها كل حاجة داخلة فبعضها — تعب طفل
ط متطلب و صياح، تصرفات بنت عمرها عامين و نص غريبة عجيبة ، قلة النوم، وغياب الراحة التامة، وكأني عايشة طول الوقت في حالة طوارئ مخي ما عادش منجم يفرّق بين تعب وبين غضب، وكل حركة صغيرة من لارا تولّي الشرارة اللي تشعلني
وفي نفس الوقت، موجوعة من داخل على خاطرها، خايفة تكون وجيعتها مني، مش مني كأم، بل من لحظات الغضب اللي ما تعبّرش عليا بلحق كي نكون بين نارين تعبي اللي واصل للعضم، وضميري اللي يوجّعني بعد ما نغضب.
نحس روحي حتى وقت اللي نتغش ، كأني نخرج الغضب من التعب مش من قلبي، وبعدها نبقى نشوف فيها توجعني سكاتها أكثر من أي حاجة.
نحس روحي مش منجمة ترتاح، حتى وقت نرقد، بالي مش ساكت
كأني وحدي في المعركة، حتى الحبّ اللي نحسه تجاه صغاري ما عادش يخفف الضغط، بالعكس يزيد يوجّعني وقت نشوف روحي نتصرف بطريقة ما تشبهنيش.
كل لحظة هدوء ناقصة، كأن ما فيش دقيقة نتنفس فيها بعمق بدون صراخ، بكاء أو طلب.
مريم... محاصَرة داخل روتين ما يعطينيش فرصة نكون "انا "، موش الأم، موش المسؤولة،فقط مريم اللي تحب تسكّت راسها شوية ا .
خايفة نخسر بنتي خايفة تضيع مني هي الحاجة الوحيدة اللي خرجت باها مالدنيا انا بنت وحدة عند امي و بابا و حياتهم كل يخدمو و انا وحدي بتعلة نوفرولك هي جت العوض تع الدنيا اللي نرا فاها كل شي
انصحوني شنو نعمل عجوت قاعدة نضيع
بعثت هنا خاطر مالقيتش ماعرفتش شنعمل