كلوة لا تشتغل

بربي امي عندها كلوتها ليسار متخدمش جملة كل طبيب يقلها حاجة واحد يقلها نجمو نضفوها واحد يقلها لازم تتنحى واخر طبيب طلب عليها scintigraphie DMSA مبعد مشاف تصاور قلها كلوتك عندها قريب عشرة سنين وزيد فيها حجرة رغملي كان اخر شهرين بدات تحس بوجايع عطااها موعد للعملية وقالها كان تحب تنحيها ولا تخليها انا حرت كيفاش لمريض هوا لي يقرر يعمل عملية ولا لا وهل يلزم تنحيها وكان منحتهاش تنجم تأثر على الكلوة لخرى ولا لا ؟

الدكتور مالك مجعاط

أخصائي أمراض الكلى

مدنين تونس

إحجز موعد

la scintigraphie DTPA et DMSA يعطيوك فكرة على نسبة إشتغال الكلية و تركيبتها. كما قتلك الكلوة تتنحًى في حالة ورم أو أكياس كبيرة الحجم توثر على الجسد أو على الحياة اليومية أو في حالة هناك حجرة لا تتجاوب معى الدواء و تتسبب في جراثيم في
البولة بصفة متكرًرة و تضع حياة المريض في خطر و تتسبب في تدمير الكلوة. حسب ما فهمت من كلامك إنو أمًك مش في الحالات هذي و الحمد لله. و هنا القرار يكون بيد المريض. ينجًم ما ينحًيهاش و لكن مع ضرورة المراقبة المنتظمة مع طبيبها. إنشاء نكون جاوبك على أسئلتك. إنشاء الله لباس

ما مدى رضاك عن هذه الإجابة؟

أرسل إلى صديق