المُنحرف النّرجسي

صباح الخير عندي سؤال محيرني عندو مدة
انا كنت مع انسان برشة اعوام اما توا بعد متفارقنا كي حكيت شنوة اللي كنت عايشتو معاه الناس الكل تقلي منحرف نرجسي
ديما كان يعمل مشكلة بلا سبب و يشتمني و بعد يرد اللوم عليا و ما يطلبش سماح و يدخلني في حالة هستيرية ووكي انا نرد الفعل و الا حتى نحاول نحامي على روحي يقول مهبولة
ديما يقلي كلام يقزمني بيه و يحسسني اللي انا حتى شي
بعدني على اقرب الناس ليا ديما سشتم و يسب بعد بكلمة يرجعني و نرجعو في كل مرة في نفس المشكل
ديما مسكر عليا حتى يخرجني يهزني يا بحر يا بلاصة فيهاش عباد نقلو هزني مثلا مطعم و الا بلاصة حلوة يقلي نحبش الحس
اما هو عادي يخرج مع اصحابو للبواتات و الا مطاعم راقية
ديما كنت نبكي و ديما وحدي بعد عليا اصحابي كان يجينيش مانخرجش
زيد الشك مالفوق و يقلي حاجات انا نعملش فيهم الناس الكل قالولي راهو منحرف نرجسي و بما انو سنين معاه مجاش البالي نقول طبيعتو خايية و نعدي رغم انو وصل اعتدى عليا مرة بالعنف و في كل مشكلة ديما يرجعني انا غالطة يشككني في روحي بربي فسرولي اهل الاختصاص كان عرسنا نهار 28جوان و بطل بمشكلة اتهمني اني نغزر للرجال و اللي انا نصلحش و هاني و سبني و بعد رد روحو صحيح و خاطيه