فقدان المشاعر

عندي حاجة أنو أنا كي يبدا شخص يشرحلي في معلومة , نبدا نفهم فيه لكن الشعور لي يجي للإنسان كي يفهم أنا ما يجينيش
كي أمي مرضت مرة و بابا زادا و رقدو فالسبيطار , ما حسيت شي و ماجانيش خوف رغم أني نحبهم و مرضيهم .
كي نجحت في الباك أو الفاك ما حسيتش بالفرحة نفسها لي يحسوها العباد
و تو عندي مشكلة في الخدمة , عرفتي توكسيك و وليت كل ما نشوفها يجيني ستراس فالمعدة كيما الستراس لي كان يجيني كي كنت نقرا , خاطر كنت ديما عندي صاحب يحاول ينرفزني باش يضحك و أنا انسان مسالم, و كل ما نتخلص من صاحب يجي صاحب اخر بنفس مستوى التنمر, لدرجة اني فقدت الرغبة اني نعمل صحاب و نقضي اغلب وقتي فالدار عندي توا 12 سنة.
رغم اني طورت شخصيتي لكن ديما يخرجلي شخص يرجعني للاحساس الخايب , و ما نجمش نقول للعباد عندي صعوبات نفسية.
توا عندي قلق كبير فالمعدة و نحس فس روحي مخنوق , ساعات نرد حاجة صفرا و مرة علخر
سؤال : هل حالتي خطيرة أم لا حسب الوصف , و شنيا الاختصاصات لي نجم نمشيلهم