Crise de panique

السلام عليكم دكتور (ة) عمري 20 سنة عندي مدّة شهرين هكاك خرجت فالليل باش نقعد مع أصحابي قدام الدار عادي بروحي نحكي معاهم نحس في روحي باش ندوخ و توزويز في وذنيا و قلبي يدق عالأخر و مفاصلي جمدو و نفس بالسيف نجبد فيه و خايف ... مشيت للاستعجالي قامو بالتحاليل و التخطيط تع القلب و قاسو الدم قالولي لاباس ما عندك شي stresse من غدوة حسيت نفس الإحساس لاكن مش كيف المرة الأولى عاودت مشيت للإستعجالي قالولي نفس الحكاية عندك crise de panique المشكلة أنو الحالة هذي لتو تجيني لاكن مش كيف المرة الأولى و إلى يومنا هذا بالسيف نتنفس و حتى كيف نخرج للشارع نحس مفاصلي رزنو و باش نطيح و سدري يكبس عليا ... عندي نهارين عاودة صارتلي الحكاية و وليت خايف عالإخر أنو يطلع عندي مرض .. حتى قبيلي طلعت للسطح نحس روحي مش مرتاح كلي سدري و قلبي عاصرين عليا و بالسيف نتنفس مع العلم أني رياضي و عند ممارسة الرياضة لا أحس بضيق تنفس