Rhinites allergiques

rhinites allergiques أنا عندي شوية تسكير فالخشم و وجايع راس وكحة مزمنة ، طبيب قلي
علما اني منتقلقش من غبرة ولا من أي حاجة أخرى ومعنديش ندا المشكلة الكحة تعبتني في نهار برغم ماهيش كحة قوية أما تتعاود وتتنحى جملة وحدة كي نرقد وإلى كي نحط نتفرج في حاجة وتبدا أعصابي متفرهدة وتقوى عليا كي نتوتر ! علماً واني مريت بفترة إكتئاب هل هي كحة عضوية أو هي مجرد كحة نفسية تعودية !

Dr Ahlem RABAH

Pneumologue

Tunis Tunisie

Prendre Rendez-vous

مرحباً بيك
مش ممكن نحكيو على كحة عصبية أو نفسية من غير منعملو فحوصات، على الأقل صورة على الصدر، للتأكد من إنو ما فماش سبب عضوي للكحة.
بما انو عندك حساسية في الجيوب الأنفية و إنسداد مزمن في الأنف، أول سبب للكحة نفكرو فيه هو حساسية في الصدر إلي تكون مصاحبة عادة لأعراض الحساسية في الجيوب الأنفية.
صحيح اونو كحة الحساسية تظهر عادة في الليل و عند بذل مجهود بدني، لكن في بعض الأحيان تكون كحة عادية في النهار و تكثر برشة وقت التعرض لتوتر عصبي ؛ عند البكاء أو حتى الضحك الشديد. لازمك تراجع أخصائي في الأمراض الصدرية باش يشخص بالضبط سبب الكحة و يعطيك العلاج المناسب.

Cette réponse a-t-elle satisfait vos besoins ?

Envoyer à un ami