مشاكل وتقلقات في المعدة

اني جاتني فترة البراز عندي الامساك عمناول مشيت لطب عام عطاني دواء عاووني شوية قعدت متقلقة مرة إمساك ومرة سامحوني مرخوف لون غامق باهي فترة الإمساك طلعلي العذر عطاتني الطبيبة مقاتل تحسنت وتوا رجعت بعد عملية التبرز نتقلق واتوا معدتي وجعتني وين هذا نحس روحي باش نرجع اما ما نرجعش حتى خذيت دواء شيء وبعد جاتني مدة جنبي اليمين وجعني برشا عطاني كرام ندهن بيها كيما متاع البرد حكاية فارغة وتوا نحس في كعبورة صغيرة من الجنب ومن الحكاية هذه وطبيعتي نهلوس وليت ياسر على عصابي ونبكي برشا ديما نبكي على اقل حاجة نحس في حاجات مقلقيني في بدني ومانيش لاقية ليهم حل وحد ماهو فاهمني وحد ما طلب عليا لا فيبرو لا شيء مع العلم عندي من عائلتي خالي توفى من ورم في القولون وخالي الآخر توا لابأس وماما ورم في صدرها نحاته