problème. psychologique

أنا عمري 13 سنة وقت لي كنت نقرى سنة خامسة صارت مشكلة كبيرة في دارنا بسن امي و بابا و خالتي بابا ضرب امي قدامي و انا كنت خايفة برشا و نبكي و بقا يصيح علاها وقتها نحنا في دار ميماتي و كي مشينا لدارنا انا و امي و بابا و ميما و بنت عمي. ميما و بنت عمي حبو يدخلوا معانا اما هو ما خلاهمش و طردهم ماما خافت برشا هزتني من إيدي و مشت للطوالات وسكرت الباب بالمفتاح و انا كنت خايفة عاللخر و كرشي وجعتني حسبت روحي باش نرد اما ما نجمتش بقا يدق علينا في الباب و انا خاية وليت نعيط لعمي من شباك الطولات مع 3 متاع الليل بقينا برشا في الطولات متخبين و بعد خلانا نمشو للبيتي و نحنا مشينا للبيت و سكرنا الباب بالمفتاح و امي رقدت اما انا ما نجمتش نرقد كان بعد وقت هزتني عيني . في الصباح مع 7 انا وقتها نقرى قمت على صوت باب بيتي يدق بالقوي و بابا يعيطلي باش نقوم نمشي نقرا ياخي امي قتلو خلاها ترقد ما رقدتش البارح . مشى هو لبس حوايجو و خرج و امي خلطت عليه بالسرقة مشى لليسا ضرب خالتي و امي رتو و انا قعدت بحذا ميما و اختي راقدة بحذاها . خالتي مشت للمركز باش تشكي بيه ياخي امي ما خلتهاش و بعد امي هربت من الدار مشت لدار خالها خاترها خايفة . و كي جاء بابا بقى يسإل علاها و انا خايفة و نجمتش نبكي وقتها خاتر خايفة من بابا . نعار كامل وقتها كرشي توجع فيا و نجمتش ناكل شي و ما مشيتش نقرا بابا كان يكلم امي و يقلها لي هو باش يضربني انا و اختي و انا يحكي اكاكا قدامي و انا خفت برشا و يخوف فاها بينا و يقلها تجي نضربك . نهار كامل عديتو خايفة و كرشي توجع . مبعد ف العشية كلم خالي بابا و تفاهم معاه باش ترجع امي للدار و ما يضربهاش جابها وقتها كي جابها انا زدت خفت خفت علاها ليضربها خاتر انا وقتها صغيرة ما نجم نعمل شي ما نخمم كان في حاجة وحدة هي نقتلو باش ماعادش يضرب امي . كي رجعت امي ما ضربهاش و من غدوة ضربها اما موش برشا و انا من وقت المشكلة اذيكا كرهتوا عفتوا كرهتوا برشا لتو نكرهو و باش نقعد نكرهوا . و وقت لي صارت المشكلة اذيكا بقيت جمعة طاملة ما مشيتش نقرا انا و اختي في المكتب انا اكبر منها بعامين . و بعد كي رجع هو لإيطاليا خاتر هو يخدم غادي يجي بحذانا بعد مدة يقعد جمعة الا ثنين . انا مبعد كي رجعت نقرا غياباتي كثرت وليت ما نحبش نمشي نقرا امي ولت تقومني بالضرب باش نمشي نقرا .بقيت اكاكا عام كامل نغيب و نرجع نجحت و تعديت للسيزيام اول العام تعرفت على طفل في الفيسبوك مالول ما كنتش نحبو اما مبعد كي بقين نحكي معاه مدة حبيتوا حكيت عليه لطفلة تقرى معايا كنت عاطيتها الثيقة مشت عاودت لأمها و امها عاودت لنائبة المدير لتقري فينا و نحنا نقروا دارت المعلمة لطفلة و قالتها شكون لي حكتلك على الطفل ياخي قلتلها طفلة اذيكا (تحكي عليا) ياخي المعلمة مزبلتني قدام التلامذة و صاحت عليا و كي خرجت التلامذة الكل يحكو عليا و يضحكو و انا حاسيتها برشا و حشمت برشا . كي روحت للدار ما حكيت لحد علي صار . من غدوة مشيت نقرا لكلهم ضحكوا عليا و يعملولي فيسبوك انستاجرام و يضحكو . و انا وقتها غياباتي كثرت برشا بقيت شهر ما مشيتش نقرا . و فاكا الشهر اذاكا خسرت الطفل لي حبيتوا صوحب طفلة اخرى و فاكا المدة لي كنت نحكي فاها معاه قبل ما نصوحبو وقتها كنت نحكي مع طفلة حسبتها اكثر من اختي حبيتها برشا و الزوز خسرتهم في نفس الوقت أثرت فيا الحكاية و زيد وقتها مزلت ما نسيتش المشكلة بي صارت بين امي و بابا وخالتي تعادات فترة صعيبة عليا برشا نغيب شهر شهرين و نرجع اما فاللخر نجحت بمعدل باهي. و انا كنت متحمسة برشا باش نمشي للكولاج و فرحانة عاللخر . و كي جات لقراية مشيت للكولاج عملت صحاب فيسع و تلاقيت مع صاحبتي الأنتيم انا وياها نقرو مع بعضنا من السنة الأولى ابتدائي . لمهم تعدا الشهر لول و الثاني و في الشهر الثالث رجعت نغيب ما غير حتى سبب نغيب نهار نخاف باش نرجع و يسإلوني علاه و تحشمني البروفة غبت شهر و ثنين و بعد رجعت كان بالسيف باش رجعت اسمي في الروجيستر. لمهم وقتها جبت صاحبتي لانتيم بحذايا للدار عاد نحنا نلعبو بالفيسبوك و يبعثلي طفل ميساج انا كنت باش نتلفو اما صاحبتي قتلي جاوبيه خذيت بخاترها و بيقنا نحكو و مع الايام ولينا صحاب .و في الايام اذيكا انا رجعت نغيب غبت مدة كبيرة رجعت كان في الدفوارات. و فاكا المدة لانا غايبة فاها الطفل اذاما قالي نحبك و انا زادة نحبو و صوحبتو و قعدنا شهرين مع بعضنا و بعد قالي نقسوها قالي انا مانيش ناقس هبالك و ما عادش تدور بيا انا علقت وقتها و بقيت نبكي و نفسخ في الميساجات و خليت كان نمروه بقيت مدة ما ناكلش و نجمش نرقد بالباهي و نشلط و نحب ننساه اما ما نجمتش. و بعد رجعت في الدفوارات عديت و كل شي. و في الفترة لي نعدي فاها في الديفوارات تعاركت انا و انتيمتي و ما عادش حكينا من وقتها و زادت اثرت فيا الحكاية هاذي. و بعد ما كملت الدفوارات ما رجعتش نقرا جملة لاخر العام و كي جاء وقت الدفوارات متاع التريميستر الثانية ما رجعونيش وقالولي باش ندوبلوك و انا عمري ما دوبلت في حياتي نجمتش نستوعب لحكاية . و حاطيت الذنب لكل على بابا على خاطر كان مةش المشكلة اذيكا راهو ما صارش معايا اذايا لكل و انا نحب نعرف كان انا عندي مشكلة نفسية و الا لا