عدم القدرة على الفهم

السلام عليكم , عندي مشكلة الحقيقة ما فهمتش شنيا السبب متاعها و لأنا إختصاص نمشي, و هي قدرتي على الفهم ماشية في تراجع, عمري 27 سنة, ديما نحس أنو وقتلي انسان يبدا يفسرلي في حاجة نفهمو في لحظتها , لكن الإحساس لي قبل يجيني كي نفهم حاجة معادش يجيني, و لو يسئلني نفس الشخص عالمعلومة لي كان يفسر فيها ما نجمس نسترجع الفكرة, كي نحاول نفهم انسان يفسرلي فالخدمة مثلا, نحس راسي يرزن و مخي ما يستوعبش الflux dinformations , و ذهني يتشتت
المشكلة تبع فيا يمكن منذ 10 سنوات و بالشوية ماشية و تكبر
ملاحظة مهمة : المشكلة تنجم تكون نفسية لأنو عندي نوعا ما جمود عاطفي و مخي ديما يفكر و يخدم حتى كي نبدا راقد و أعاني من الوحدة لأني فشلت نعمل اصحاب يشبهولي رغم اني محبوب لكن العباد ما تحاولش تعمل صداقة معايا لانو ظاهري الانغلاق
ملاحظة أخرى شاهيتي مقطوعة و ما نعطشش .
سؤالي هو شنيا الاختصاصات لي نجم نمشيلها بالترتيب