بسبب خطأ طبي خسرت امي عيناها فماش حل تنجم ترجع تغزر بيه ..؟

امي مشات باش تعمل عملية تركب عدسة و تنحي الماء من عيناها ياخي في جرة خطأ طبي لي أدّاتلها الى تمزق في الشبكية رصاتلها في 6 عمليات اخرين و بعد آخر عملية قالولها لي فما خلايا في العصب البصري ماتو و معادش يتعوضوا و العصب البصري ولا ضعيف على الاخر و عندها العين الاخرى من قبل ملي كانت صغيرة زادة بسبب faute médicale معادش تشوف باها جملا و اليوم امي تقريب زادت خسرت العين الاخرى تشوف كان في خيالات الحاجات .. امي ليوم معادش تنجم تعمى شيء نهار كامل و هي شادة الفرش .. تقوم في النهار اويني تعاون شوية بعد الدنيا تظلام شوية و الا تتنحا الشمس تكحال علاها الرؤية و تولي معادش تشوف شي .. امي تعذبت برشا برشا و حالتها هاذي ولات تحسسها بالعجز ولات تحس في روحها عالة علينا .. نفسيتها ولات تاعبة برشا و ديما تبكي .. وصلت اصلا تدعي على روحها بالموت (اللطف علاها) .. بلاهي فاماش حل تنجم ترجع بيه امي تشوف .. تزرع شبكية اصطناعية و الا عين و الا اي عملية اخرى سواء في تونس و الا في الخارج و مهما تتكلف المهم ميمتي يرجعلها نظرها و ترجع تغزر راو كيف نشوفها في الحالة اذيكا كل يوم قلبي يتقطع علاها .. عيشكم فماش حل تنجم ترجع فيه امي تغزر .. ؟